Week Program
Liturgie

Datum: Sondag, 1 Augustus 2010

Erediens word gelei deur Dr Chris Saayman

Tema: Keuse tussen lewe en dood (Deel 3 van Elia-reeks)

Skriflesing: 1 Konings 18:17-39

Liedere: 542, 417, 528, 493

Deurkollekte: Indiërsending

Junior Kategese en Bybelskool ná teedrink wanneer klokkie lui. Bybelskooltema: Hindoeïsme

WEEKPROGRAM & ANDER WETENSWAARDIGHEDE

Dankoffers
Gemeente se bankbesonderhede vir ingeval u dankbaarheidsoffers direk wil inbetaal om die Woordverkondiging te help ondersteun:

NG Kerk Tafelberg Gemeente. ABSA. Takkode: 312109. Nommer: 4067 740 998

Verjaarsdae
Woensdag: Sieg Behm (461 8753) en Vrydag: Chris Saayman (5516704).

PREKE OP CD TE KOOP
CD BESTELLINGS: Ons eredienste word nou digitaal opgeneem en is op CD beskikbaar. Dit kan op enige CD speler (of rekenaar) geluister word. Daar is een boodskap op 'n CD en is te koop teen R10-00 elk. By die tafeltjie agter in die kerkgebou is daar 'n bestellingsboek wat u kan invul of skakel die kerkkantoor vir bestellings of vul die vormpie agterop hierdie naweekpos in.

CD BESTELLINGS LANDSWYD
CD's van Tafelberg Gemeente se eredienste kan deur enigiemand bestel word en dit sal aan u gepos word. Gebruik die epos adresse elders op hierdie webblad om u bestellings te plaas. Kostes: R10-00 per CD (een preek per CD) en posgeld R6-00.

GEDAGTE VIR DIE WEEK
"If you found a cure for cancer, wouldn't it be inconceivable to hide it from the rest of mankind? How much more inconceivable to keep silent the cure from the eternal wages of death."

Dave Davidson

FRANSSPREKENDE GEMEENTE
David Kongolo is ‘n Kongolese pastor wat ‘n passie het om ‘n gemeente vir Franssprekendes in Kaapstad te vestig. Hulle het egter geen heenkome wat betref ‘n gebou vir samekomste nie. Vanaf 6 Junie gebruik hulle ons fasiliteite vanaf 12nm op Sondae. Ongeveer 60 mense woon die dienste by. Ons bid hulle die seën van die Here toe.

Gemeente se bankbesonderhede
Gemeente se bankbesonderhede vir ingeval u dankbaarheidsoffers direk wil inbetaal om die Woordverkondiging te help ondersteun: NG Kerk Tafelberg Gemeente
ABSA. Tak: Adderleystraat. Takkode: 312-109. Rek no: 4067 740 998
LET OP NUWE REKENING NOMMER ÉN REKENING NAAM!!

GEBEDSINISIATIEF
GEBEDSINISIATIEF - 6 tot 8 ketting - Ons wil ALMAL (ook besoekers) aanmoedig om deel te hê aan ons gebedsinisiatief waar ons elke oggend iewers tussen 6vm en 8vm 'n tydjie maak om te bid volgens spesifieke onderwerpe soos weekliks beskikbaar gestel. Wil ALMAL nie besluit om deel te neem nie? (Sien ingeslote gebedskalender).

WYKE
NUWE WYKE > Die wyke is soos volg heringedeel: NOORDELIKE VOORSTEDE: Vanaf Milnerton tot Bellville (in die noord-ooste) en Malmesbury (in die noorde) Kerkraadslid: Awie van Zyl (073 281 0587). SUIDELIKE VOORSTEDE: Vanaf Mowbray tot Tokai. Kerkraadslid: Robert Simpson-Anderson (021 671 3328). KAAPSTAD: Middestad wes van Buitenkantstraat tot Kampsbaai. Kerkraadslid: Rudolf Etsebeth. DUIWELSPIEK: Duiwelspiek en High Cape. Kerkraadslid: Johannes Smit. VREDEHOEK: Vredehoek en Highlands. Kerkraadslid: Dries Nieuwoudt (021 447 0595). TUINE: Tuine (onder Vredehoekstraat en bó De Waalpad). Kerkraadslid: Gielie Mulder (083 4418 382). ZONNEBLOEM: Zonnebloem asook area in die omgewing van die kerkgebou uitgesluit Skywayswoonstelle. Kerkraadslid: Jacqueline Meyer (083 3373 585). SKYWAYS: Skywayswoonstelle. Kerkraadslid: Kotie de Jager (021 556 7857).

Diederick Basson - CV
Diederick Basson ontvang sy eerste orrelonderrig by Danie Smit aan die Hoërskool D.F. Malan in Bellville. Hy studeer aan die Universiteite van Pretoria en Stellenbosch waar hy by Wim Viljoen, Boudewijn Scholten en Pieter de Lange orrelonderrig en by Joseph Stanford en Bennie van Eeden klavieronderrig ontvang. Gedurende 1997 studeer hy by prof. Ewald Kooiman van die Vrije Universiteit in Amsterdam, met spesialisering in die Franse en Duitse orrelmusiek van die Baroktydperk. Hy behaal die grade B. Mus., Hons. B. Mus. (cum laude) en M. Mus en verwerf die Voordraerslisensiaat (orrel), Onderwyslisensiaat (orrel) en Kerkorrelistelisensiaat van UNISA cum laude. Gedurende sy studietydperk ontvang hy verskeie beurse en toekennings, waaronder die Suid-Afrikaanse Musiekstudiebeurs (UNISA), die Pretorium Trust-beurs (UP), die Mabel Quick-beurs (US), die FAK Musiekbeurs, en die NZAV-beurs vir nagraadse studie in Nederland. In 1994 wen hy die orrelkategorie van die ATKV-Forte Musiekkompetisie, en in 1995 word Kulturele Erekleure deur die Universiteit van Stellenbosch aan hom toegeken. Diederick is lid van die Suid-Afrikaanse Akademie vir Wetenskap en Kuns en hy is redakteur van die tydskrif Vir die Musiekleier (uitgegee deur die Suid-Afrikaanse Kerkorrelistevereniging). Hy is Musiekvakhoof by die Hoërskool Stellenberg in Durbanville, orrelis van die NG Gemeente Tafelberg en vryskutomroeper by Fine Music Radio 101.3 in Kaapstad. Hy is getroud met die pianis Hanneke Zwamborn en hulle het al verskeie uitvoerings as klavier-en-orrelduo gegee. Hy is verder aktief as solis en begeleier van prominente kore en soliste in veral die Weskaap en omgewing.

LAATKOMMERS
Oom Stokkies kry swaar by die parkeergarage met mense wat ná 09h30 arriveer. Van nou sluit hy die garage presies om 09h30. Laatkommers moet asseblief in die straat parkeer. Kom ons help mekaar en probeer op ons sitplekke wees wanneer die diens begin!

KOOROPTREDE
Laerskool Jan van Riebeeck se kore tree volgende Sondag by ons erediens op

24 UUR GEBEDSWAG
Komende naweek hou ons weer ‘n 24-uur gebedswag wat Saterdagoggend om 7vm begin. Gebedswiele sal
vanoggend ná die erediens beskikbaar wees.

ONBEREIKTE LAND
Verlede week het ons gesien wat die 10/40 Venster is. Daar is 16465 mensegroepe op aarde waarvan 6759 nog onbereik met die Woord is. Dis 41%. Ná 2000 jaar het die kerk nog net daarin geslaag om 59% van mensegroepe te bereik. Uit ‘n wêreldbevolking van 6.73 Bilj is dit 2.74 Bilj! Die meeste van hierdie mense woon binne die 10/40 Venster.

VERLOF
Die pastoriebewoners is met verlof vanaf 1-11 Julie.

PARKERING IN DIE PARKEERGARAGE
PARKERING IN DIE PARKEERGARAGE Nuwelinge in die gemeente let daarop dat u Sondae in die parkeergarage gratis kan parkeer. Sodoende behoort u motor veilig te wees.

EVANGELISASIE-INISIATIEWE
HISTORIESE KERKRAADSBESLUIT !
EVANGELISASIE-INISIATIEWE

Die kerkraad wil die gemeente aanmoedig om gelyktydiglik by 5 uitreikasies betrokke te wees. Volgens Handelinge 1:8 sal ons mos Sy getuies wees in Jerusalem, sowel as Judea, sowel as Samaria tot by die uithoeke van die aarde. In kerkraadgeledere heers daar opgewondenheid en die hoop is dat elke lidmaat net so opgewonde sal word. Die 5 aksies is die volgende:

1. BETROKKENHEID BY SUNTOSHAM-GEMEENTE VAN DIE REFORMED CHURCH IN AFRICA – Benewens die VGK, is die RCA die ander kerk wat destyds deur die NG Kerk se sendingwerk onder die Indiërs totstandgekom het. In die Kaap is daar net een gemeente geleë in Cravenby in die Parow area. Ds Francois Botes is die leraar sedert 2007. Die gemeente reik effektief uit na die Hindoes en Moslems wat in die gebied woon. Talle het al tot bekering gekom. Indien ons by die RCA betrokke is, het ons deel aan die daadwerklike bereiking van mense van nie-Christelike godsdienste soos die Hindoeïsme en Islam. Ons hoop om finansieël te help met hul bedieningsbehoeftes en verder te ondersteun d.m.v. die bywoon van hul bedrywighede asook gebed. Hierdie verbintenis impliseer dat ons nie meer betrokke sal wees by samewerking met die VGK nie.

2. DIE BORG VAN 'N RADIOPROGRAM VAN FEBA RADIO IN DIE SUIDE VAN MALAWI – FEBA RADIO saai Evangelistiese boodskappe uit na wêrelddele wat grootliks onbereik is met die Evangelieboodskap. Die radio is 'n effektiewe medium vir die verkondiging van die Woord. In die suide van Malawi woon ongeveer 100 000 Yawo's wat grootliks Moslems is. FEBA het 'n radiostasie en sender opgerig wat in 'n 40 km radius uitsaai. Daar was alreeds reaksie op die programme. Buks vd Merwe is die stasiebestuurder en Anton & Lucy Meyer is die sendelingpaar wat daar werk. Die stasie is nog nie ten volle operasioneel nie. Dit sou moontlik kon wees dat ons gemeente verantwoordelikheid neem vir die uitsending van 'n weeklikse 15 minute program. Later meer besonderhede. Ds Geo de Kock is FEBA se skakelpersoon in die Weskaap.

3. VRIENDSKAPS-EVANGELISASIE IN DIE BO-KAAP – Die Bo-Kaap is die woonarea tussen Buitengracht, Strand en Carisbrook strate met Seinheuwel as westelike grens. Dit is 'n Moslem gebied. Dit is die gemeentes in die middestad se verantwoordelikheid om die Goeie Nuus na hulle te neem. Ons wil graag daar betrokke raak d.m.v. gebed en die praktiese uitreik na die mense d.m.v. die bou van vriendskapsbande. Ons sou byvoorbeeld Saterdagmiddae van deur tot deur kon gaan met die aanbod om vir behoeftes te bid. Waar daar gebedsverhoringe plaasvind, sal daar reaksies wees. Ons benodig iemand in die gemeente wat die projek op sy/haar skouers kan neem en gemeentelede mobiliseer.

4. VRYDAGNAG UITREIKE SAAM MET STRAATWERKSPANNE – Straatwerk is die NG Kerk aksie wat vir baie dekades reeds in die Middestad werksaam is om mense wat hooploos leef, op te help. Vrydag- en Saterdagnagte beweeg ervare spanne in sekere strate om die Here se liefde met hooplose mense te deel. Onervare persone word saam met ervare persone in die strate geplaas. Enige belangstellendes van ons gemeente sou van tyd tot tyd kon gaan meedoen, maar... dit moet georganiseer word. Ook hiervoor is daar 'n voorvatter nodig wat kan organiseer en mobiliseer.

5. EVANGELISASIE CD'S UITDEEL IN DIE KOM VAN KAAPSTAD – Reeds in 2006 het ons gemeente begin om op maandelikse basis CD's wat 'n evangelistiese boodskap bevat, in Vredehoek in posbusse te plaas. Ons het meer as 2000 CD's uitgedeel. Ons wil graag hiermee voortgaan. Awie van Zyl (0732810587) het reeds na vore getree om hierdie projek te fasiliteer. Ons visie is om soveel CD's as moontlik in die middestad te plaas. Die gedagte is nie om meer mense na ons gemeente te lok nie, maar om die Evangelieboodskap binne die bereik van soveel as moontlik mense te bring.

Finansiering: Die kerkraad sal 'n maandelikse bedrag besikbaar stel, maar die hoofbron sal Geloofsbelofte-offers wees waartoe ons lidmate hul op vrywillige basis verbind. Sien meegaande pamflet wat dit verduidelik.

GELOOFSBELOFTE-OFFERS
GELOOFSBELOFTE-OFFERS vir ons uitreikprojekte. Die inligtingsbrosjure asook belofte-vormpies is permanent by die teetafels beskikbaar ná erediens. Dit is ook op ons webblad beskikbaar onder die hofie “Aksie Uitreik”. Plaas asb u voltooide belofte-vormpie in kollektemandjie. Daar is ook 'n aanlyn fasiliteit waardeur u 'n geloofsoffer-belofte aanlyn kan invul en stuur. Aankondiging oor hoe die gevulde koevertjies opgeneem sal word, sal binnekort gemaak word! HOE GAAN GELOOFSBELOFTE-OFFERS VERDEEL WORD TUSSEN PROJEKTE? Sien meegaande blaadjie vir besonderhede. WANNEER GAAN ONS ONS BELOFTE-OFFERGELD INGEE? Elke eerste Sondag van elke maand, dus 5 April die eerste. Plaas dit in gewone koevertjie en bring na erediens. Begroting tans: Uit kerkkas R2250pm & Geloofsoffers R3150. Verdeling: FEBA R1900pm, Cravenby: R1500pm, CD-Veldtog R2000pm spaar om by R12000 uit te kom sodat eerste 5000 CD's gemaak kan word.

SPESIALE GEBEDSGELEENTHEID
Woensdagaand om 19h00. Almal welkom om te kom saambid.

12 ARTIKELS
APOSTOLIESE GELOOFSBELYDENIS
Die kerkraad het besluit dat ons voortaan die beter bewoording van die Apostolicum gebruik waar bely word dat Christus “die lyding van die hel” beleef het i.p.v die dubbelsinnige “ter helle neergedaal”. Laasgenoemde laat dit klink asof Hy fisies na die hele gegaan het i.p.v. dat Hy dít wat die hel is, deurstaan het op die kruis.

FRANSE BYBELS
Die Franssprekende gemeente benodig ongeveer 60 Bybels waarvan een van ons wyke reeds 18 gekoop het. Een Bybel kos R79-00. Wat daarvan dat ons die orige 42 borg. Wat daarvan dat ons een Bybel per huisgesin borg? Kontak asb vir Celeste.

MENU

LITURGIE VIR DIE EREDIENS

Skriflesing & Openingsgebed

Liedere 542, 417, 528

Gebed

Skriflesing: 1 Konings 18:17-39

Skrifprediking & gebed

Junior & Senior kore: Laerskool Jan v Riebeeck

Offergawes

Lied 493

Seën & Amenlied

Gebed vir leraar: Psalm 134:4 (Totius beryming)

Laat Heer U seën op hom daal
U guns uit Sion hom bestraal
U wat beveel en dit geskied
Laat Heer U seën oor hom gebied.

Orrelnaspel

MENU